Fukuoka 2016 - Day 2 - Nokonoshima Island, Hakata Station, Motsu Nabe, Tenjin

WARNING: Ang series of posts na ito ay heavy on images pero may mapupulot naman kayong tips at mga masarap at hindi masarap na kainan/pagkain. Kaya maraming pictures ay dahil karamihan ay hindi ko maisulat ang address kaya sa itsura na lang ibase :p As always, click on the photos for a larger view

Fukuoka 2016 - Day 2 - Nokonoshima Island, Hakata Station, Motsu Nabe, Tenjin

 Dahil medyo malayo ang pupuntahan namin for today, inagahan uli namin ni Blanca gumising at para na rin makapila agad sa breakfast spot namin.

Pagdating namin sa Tempura place na highly-recommended ni Liane, medyo mahaba na agad ang pila, good sign! Buti na lang dire-dretso naman at na-accommodate din kami kaagad. Hindi ko alam bigkasin ang name pero i-copy paste ninyo ito at i-search sa maps
"天ぷらひらお 天神店 中央区天神"

Medyo mahirap lang intindihin yung menu kasi walang Ingles. Pinili namin yung 890 at 830 yen na bowls at hinanap lang namin yung presyo sa pipindutin, voila! :))

Sa mga nakainan naming tempura place sa Tokyo at Osaka, laging walang sawsawan. Ngayon lang kami nakakain ng Tempura na may ganitong sawsawan kagaya sa nakasanayan natin dito sa Pinas, sa wakas!

Marami rin silang free side dishes, kanya-kanyang kuha na pati :p

Merong kalabasa na manamis-namis

Parang pickled labanos

Togue

Ito galamay ng pusit na binabad sa something na citrus ang lasa. Sarap pang-lagay sa mainit na kanin!

By batch magluto itong fryer master nila. So halimbawa gulay muna lahat lulutuin niya, yung mga tao, sabay-sabay palibot rarasyonan yung mga may order ng gulay, haha! Cute, para kaming pets na nag-aabang ng treats.

Medyo mahirap kunan ng litrato na magkakasama kasi nga installment ang dating ng mga items. Kagaya nung isang order namin, nauna yung fish at bacon, pagkakuha ng litrato, kain na agad kasi lalamig kapag pinatagal :p btw, masarap yung bacon tempura niya!

Big, sweet, and juicy yung prawns niya at talagang tamang-tama ang lutong ng breading. hindi malangis!

Nag-agree kami ni Blanca, ito ang pinaka-masarap na nakain namin na Tempura sa mga trips namin so far. Kasing sarap ng mga Tempura natin dito sa Pinas. Weird noh, Pinas pa naging benchmark namin, haha!

After namin mag-agahan, tumungo na kami sa Tenjin station at pumunta sa bus-stop na ito malapit sa tourist information center. Makikita na may nakasulat na Noko Ferry Port, yun ang pupuntahan para makapunta sa Nokonoshima Island

Medyo mahaba ang byahe at wala gaanong makikita sa daan kundi ang pagiging industrialized nila.

Pagdating sa Noko Ferry Port, sumakay kami sa ferry na ito at mabilis lang ang byahe, 15 minutes lang halos, nandun na kami sa Nokonoshima Island


Pagkarating sa island, sumakay kami sa nag-iisang bus doon na ang ruta lang ay Nokonoshima Island Flower Park at pabalik ng Ferry port. Hindi kayo maliligaw dito :p

Merong 1000 yen entrance fee bawat tao

Pagpasok namin sa loob, ito ang bumungad sa amin... wohooo! Mahilig talaga kami ni Blanca sa mga flower parks. Kahit hindi na sa mga Cherry blossoms, yung mga bulaklak na makukulay mas maganda sa paningin :D

Tuwang-tuwa si Blanca habang nililibot namin ang lugar

Ang ganda...

Pero mas maganda yung misis ko... naks!

Biglang umulan nung naglilibot kami. Habang inaamoy ni Blanca yung bulaklak, kung i-click niyo at ma-enlarge niyo yung image, kita mga patak ng ulan, naks, dramatic!

May mga parang maliliit na stalls at parang mga bahay ang itsura dun sa loob ng park.

Meron ditong isang cute na cafe at pinasya naming subukan

Umorder kami ng hot matcha latte, plain cheesecake with Strawberry Sorbet. In fairness, okay naman siya. Hindi siya OA sa sarap pero I suggest na tangkilikin dahil sa mga turista naka-asa ang kanilang kabuhayan :D

Malakas na ang ulan, pero walang makakapigil sa amin magpakuha... na hindi naman kita ang dagat dahil sa kapal ng ulan, haha! Binalutan namin ng balabal ang camera at dulo lang ng lens ang naka-expose, tapos remote trigger via phone app, hurray for Fujifilm!

Meron din ditong sina-unang phonebooth, ang ganda ng itsura haha!

Halos dalawang oras din kami dito sa island kahit umuulan. Ang ganda pa din ng paligid.

Marami namang pahingahan sa paligid kung nais mong mag-muni-muni o magpaint, o kaya umarte lang gaya ni Blanca dito, bwahaha!

Meron silang tinitindang ganito sa souvenir shop nila

Tapos mga 10 ata ang laman na nakabalot sa ganito

Para siyang puto na may custard sa loob. Okay siguro siya kung hindi ka lumaki sa lugar na sikat sa kakanin gaya ng Quezon. Pero dahil kami ay sanay sa mga leche puto, wala lang sa amin ito, haha!

Pagkatapos namin tumingin sa shop, sumakay na uli kami ng bus, papuntang ferry port, tapos nag-bus uli patungo sa Hakata Station.

Dahil medyo mahaba ang byahe, medyo nagutom uli ako. Oo, ako lang. Si Blanca kasi, naningin ng mga shops sa Tenjin at ako naman ay maniningin sa Yodobashi. Dahil may free wi-fi sa Yodobashi, pinadala ko na kay Blanca yung pocket wifi namin.

Pagdating ko sa Hakata station, nakakita ako ng Hankyu kagaya sa Osaka.

Walangya, ito agad bumungad sa akin pagpasok ko...

Siyempre, umorder ako ng isa :))

Tapos nung magbabayaran na, nakita ko naman, ito... ay hala sige isa din, haha!

Malambot at manamis-namis itong rib. Yun nga lang, hindi mainit. Mas masarap sana kung mainit ito at may kanin :)

Ito namang hipon, malalaki siya at juicy, pero yun nga, malamig din :s sayang, masarap sana :D

Medyo nabusog naman ako pero naglibot pa din ako sa station para maghanap ng desserts. Bigla akong napadpad dito sa AMU EST...


Dahil maganda ang experiences namin sa desserts na may fresh strawberries sa Osaka at Tokyo, hindi na ako nag-dalawang isip pa!

Siyempre, yung Matcha ang inorder ko :)

Ih-ih... yanung sarap nito! Parang light pancake yung tinapay, with Matcha cream na lasang matcha talaga, monggo paste, at fresh strawberry! Aba ay yanung inam, highly-recommended!

Matapos kong magtakaw at maglibot sa Yodobashi, nagkita-kita na kami nina Blanca at ni Bro. Iñigo (kuya ni Blanca) sa Hakata Station.

Matapos naming mag kumustahan, siyempre, kainan na uli :D

Sa lugar na ito namin napagkasunduang kumain, ang Hakata Motsunabe Yamanaka Akasakaten Restaurant. Ang ganda kasi ng reviews sa Trip Advisor. Lobby pa lang, alam mo nang bubutas ng bulsa ito, haha!

Ito kasi ang highly-recommended na ma-experience sa Fukuoka, ang Motsu Nabe

1,600 yen per person, almost 700 pesos, yanung mahal nga. Pero dahil minsan lang naman nasa ibang lugar, dalenay!

Naalala ko, may nakakatawang kwento. Bawal kasing ipasok ang sapatos sa dining area na ito, so kelangan mong iwanan ang sapatos mo sa locker sa lobby, tapos kukunin mo susi. Sina Nyegs at Blanca, nakakita ng pare-parehong tsinelas, so sinuot nila ito papasok. Nung nakapasok na kami sa dining area, bigla silang hinabol ng staff. Yung akala nilang generic na pagamit na tsinelas, footwear pala ng mga staff yun na iniwan din sa labas bwahahahaha! Hindi gaano nakakatawa sa kuwento pero kung nandun kayo, ay yanung saya, haha!

Habang naghihintay, binigyan kami ng edamame at bagay ito sa inorder kong Lemon Sour

Habang si Nyegs naman ay nag-beer

Heto ang inihain sa amin na Motsu Nabe

Marami naman ang serving niya

Hindi namin alam, puro taba at balat pala ng baka ito. Ih-ih, mahilo-hilo kami habang nakain. Kahit dinamihan ko ang kain ng gulay, hindi talaga mabalanse ang healthiness level, haha!

Yung tipong habang umiinom ka ng tubig e nag-sesebo ang labi mo. Masarap kung sa masarap yung laman at sabaw, pero talagang hindi namin naubos.

In fact, after dinner, umuwi muna ako sa place na tinutuluyan namin kasi two blocks away lang at napahiga at idlip ako sa sobrang hilo :s Sina Blanca at Nyegs, pumunta sa Canal City para sunduin si Bro. Alex.

Sabi ko kay Blanca, tawagan na lang ako sa FB messenger kapag nasa Tenjin na sila at dun ko na lang sila tatagpuin. After almost an hour, tinawagan nila ako at dito ko sila tinagpo, sa Hakata West St. Pudding Shop

Bumili kami ng Matcha

at Original Pudding, pampatanggal nung cholesterol na naiwan sa dila namin

Masarap naman siyang pudding pero nothing special kaya you can skip this :p

Kung maraming tao ng Friday night, mas grabe sa dami ng tao ng Sabado

Merong nag-iinom sa kalye, sa harap na lang ng Family Mart nakatayo.

Humiwalay muna kami ni Blanca sa mga brothers kasi naghanap kami ng dessert place. Dito kami napadpad sa Vito


Umorder kami ng Chestnut Gelato at in fairness, masarap siya! Madalang ang flavor na ito sa Pinas kaya rekomendado ito kung sakaling mapadpad kayo rito.

Matapos ang dessert, naglibot-libot lang kami ni Blanca at siguro may mahigit isang oras din kaming naglalakad. Nakakawili manuod ng mga tao at obserbahan kung paano sila magsaya dito sa parteng ito ng mundo. Marami kaming nakikitang mga KTV Bars, para ring mga Pinoy, mahilig kumanta pero dito, karamihan ng KTV ay wholesome :p


Tinagpo na uli namin ang mga La Salle Brothers at napagpasyahan naming mag-late dinner dito (oo, hindi pa dinner yung Motsu Nabe)

Weird no? Korean cuisine pa ang napili namin e nasa Japan kami :p

Kung iisipin, hindi rin naman ganun ka-weird kasi malapit lang ang Korea sa bansang ito kaya malamang maraming mga Koreans dito at nagkalat ang good restaurants nila gaya nito

Umorder kami ng Samgyeopsal at ito ang panlahok nila sa grilled pork nila

Binigyan kami ng apron so malamang senyales ito na things could get a little messy :))

Siyempre, masarap may kahalong beer ito, ako Lemon Sour uli :p

Sila naman ang magluluto para sa inyo so hindi kelangang mag-alala na baka makakain ng hilaw na baboy.

Ibalot sa gulay at samahan ng mga pickled veggies...

at siyempre, samahan ng chili, ay swabe! Highly-recommended... na pulutan :D

Dahil bitin at wala pang mga tama, naglibot-libot pa kami kung saan puwedeng kumain at uminom. Nakita namin ito, papasukin sana namin, kaso nag-alala kami, baka pag-uwi namin, hindi namin malaman ang mga kaganapan the night before at sabihin sa sarili "Aniary?"

Gets? "Aniary?"... "Anyare?"... ay grabe... sobrang corny nun. Nagpapaumanhin ako sa mga nagbabasa. Foul yun. Sorry :D

Sa paglilibot namin, nakita ko itong familiar na sign na ito. Recommended ito sa Trip Advisor pero bakit parang familiar sa akin. Anyway, tumuloy na din kami.

Puno yung loob ng bar so sa labas na din kami uminom at kumain. May mga nakasama pa kaming mga Japanese girls na umaapaw sa pagiging friendly

Siyempre dapat naka-peace sign pag nagpapalitrato

Nung inabot sa amin ang pulutan naming Gyoza, tsaka ko naalala na ito yung Gyoza shop malapit sa tinirahan namin sa Osaka! Okay naman siya pero mas masarap pa rin yung sa Tetsunabe :)

Naka-isang beer lang kami dito dahil nakakangalay din uminom habang nakatayo, hindi makapagkwentuhan ng maayos. Naalala namin ni Blanca, yung host ng Airbnb namin na si Taro, meron nga pala siyang bar at sinabi niya sa amin na may free welcome drink kami sa kanya! Dahil siguro may tama na din kami, kumapal na din ang mukha ko at nag-claim kami ng free drink namin, haha!

Pinuntahan namin ang bar nila na Bangkok Time. Again, nasa Japan kami pero Thai food naman pinuntahan namin ngayon :D Heto ang napakabait naming host, naka-cap na black, si Taro

Bukod sa beers, siyempre para hindi nakakahiya, umorder naman kami ng Amaretto Sour

at ng spicy schicken. In fairnes,, masarap ito at maanghang! Rekomendadong pulutan :D Okay mag-inom dito sa bar nina Taro

Nakakwentuhan namin si Taro, sobrang interesting ng buhay niya. Nag-bike siya around 46 countries! Across Europe, Asia, at nalimutan ko kung saang kontinente pa. Kung saan-saan siya nakarating in 4 years! Galing no?! Nag-ipon lang siya at lumarga kasama ang kanyang bike at maliit na tent. Minsan daw gumagawa siya ng odd jobs for extra money. Ang galing! Dahil napasarap ang kwentuhan namin at nag-enjoy siya, binigyan niya kami ng ice cold tequila. Naka tig 3 rounds kami, FREE! Langya, lugi sa amin si Taro. Ang mura lang ng upa namin sa rooms niya pero ang dami naming freebies, haha! Ayaw niya talaga pabayaran kaya maraming salamat, Taro!

What a night! Sobrang nag-enjoy kami sa last night namin in Fukuoka. Good food, great company! Highly-recommended Airbnb host si Taro, please check his listing here.

Sana ay magising kami ng maaga sa Day 3 namin :)

Sa uulitin,

Chewy