I miss...

a lot of things, isa sa namiss ko ay... writing entries for this blog! In less than 2 weeks, tapos na ang 1st quarter ng 2012 at dire-diretso na ang dating ng mga insertion orders from ad agencies, samahan pa ng mga nakakabaliw na discrepancy issues = hellabusy. Alam kong konti lang ang makakaintindi sa mga nasabi ko but I know you all get the point ;)

Something positive to look forward to is 17 days na lang, tapos na ang Lenten season! Kasabay ng pag-celebrate ng resurrection ni Jesus ay ang pagtatapos ng sacrifices for this season. Hooray! Heto ang mga ginive-up ko at namimiss ko:

* Chocolates - isa pa man din sa pinaka-paborito kong kainin ito

* Chicken - nakakamiss ang hot and crispy KFC, Manang's, McDo Chicken Nuggets, Chickenjoy atbp.

* Pork - bawal ang Crispy Dinuguan ng Chibugan Republik, Lechon, Sisig, Bacon, Inihaw na Spareribs, Siomai ng Wai Ying :s

* Beef - oooohhh bukod sa Pares, namimiss ko nang kumain ng Beef Gyudon, Burgers, at Steak!

* Ice Cream - lalo pa kung kelan nagkalat na ang Magnum sa Pilipinas. Torture!

* Rice - bagoong rice... :`(

*** Alcohol - hindi naman talaga ako mahilig uminom pero minsan nakakahiya din masabihan ng walang pakisama sa isang inuman haha

Ang mga bagay na ito, medyo mahirap i-give up lahat pero dahil ilang taon ko na din ginagawa ito, medyo mas gumagaan each year. Kung may isa akong bagay na namimiss ng sobra, yun ay ang kumuha ng larawan...

Binuksan ko uli ang aking Flickr account at ang last upload - May 18, 2011... birthday pa ni Blanca last year yun! Around that time, lumalaki ang gastos at kailangan na puhunan para sa Chibugan at sadly, I had to let my camera go... Hindi naman ako propesyonal na maniniyot o photographer pero mahilig lang talaga ako kumuha ng imahe ng mga bagay-bagay at pangyayari, para na rin siguro mas enjoy ang pag-reminisce ng mga moments habang nakikita ang larawan nito.

Nung nawalan ako ng 40d, natira na lang sa akin ay ang LX3. Okay naman yung kalidad ng larawan ng LX3, yun nga lang, sa dali nito gamitin at maganda ang mga larawang lumalabas, nainlove dito ang nanay ko at siya na ang gumagamit. Kumuha kami ng Sony TX-5 para pambakasyon na camera dahil waterproof at freeze-proof ito. Pero dahil sobrang automatic lahat ng features nito, hindi ako nag-enjoy gamitin at sa totoo lang, hindi din ganun kaganda ang image quality lalo na pag madilim :(

Tuwing lumalabas kami ni Blanca at kumakain sa restaurant o pumupunta sa isang lugar, napansin ko na ganadong-ganado ako kapag yung dslr o yung LX3 ang gamit ko. Mas nakakatakam kasi tingnan ang pagkain kapag maganda ang kuha. Dahil wala na nga yung 40d at LX3 sa akin, iPhone na lang ang gamit ko lagi pangkuha ng larawan ng mga pagkain at ngayon nagsasawa na ako gamitin ito dahil sa isang madilim na restaurant, ang hirap kumuha ng picture ng pagkain na hindi blurred o may detalye na enough para magmukhang masarap... dun ko na-realize, kailangan ko na kumuha ng bagong camera!

Sa paghahanap ko ng camerang babagay sa akin, naglista ako ng mga pangangailangan ko (geek alert!):

* dapat mahusay kumuha sa low-light situations - kailangan ko ng mahusay kumuha sa dilim na wala/kaunti lang ang "noise"

* dapat compact - may mga lenses pa akong natitira kaya naisip ko mag DSLR na lang uli, kaso naalala ko na dahil agaw pansin ang dslr kasi malaki, mukhang tanga lang minsan dahil feeling pro ang dating ko malamang sa karamihang nakakakita sa akin kahit ang hinahangad ko lang ay makakuha ng magandang larawan. Isa pa, mabigat na rin sa leeg kapag may wide angle lens ang dslr kaya kelangan ko ng maliit at magaan.

* dapat may pup-up flash AT external flash hot shoe - oo nga't hinahanap ko ay magaling kumuha ng litrato sa dilim, pero siyempre, gusto ko din naman ng maaari kong gamitin kapag wala talagang available na ilaw at ang pinaka-importante, magagamit ko ang triggers at external flash ko para sa off-cam lighting kapag kumukuha ng tao, produkto, o pagkain.

* dapat may Manual Mode at Manual Focus - isa sa mga hilig kong kunan ay ang dagat lalo na kapag hibas  (low-tide) pa lang dahil labas ang mga bato at kaunti pa lang ang tubig. Siyempre gusto kong ma-control ang itsura ng tubig sa picture kaya importante ang pagcontrol sa bilis ng shutter-speed.

* dapat kayang kumuha ng RAW - malaking bagay ang RAW file para sa akin dahil sa lightroom, na digital darkroom kung ituring, ako nage-edit at nagaayos ng kulay ng larawan.

at last but not the least

* dapat malawak ang range ng zoom - ang gusto ko sana ay yung wide enough para makakuha ng maraming elements pag nag-landscape o seascape photos ako, at yung kaya din yung malayong subjects gaya ng mga hayop sa zoo, ibon sa mga puno/lumilipad, at chicks sa beach. Siyempre joke lang yung huling nabanggit. Hirap kasi noon sa slr, iba-iba ang lens depende sa situation. I know maraming DSLR owners na marunong ang magsasabing, for portrait, you'll need this lens. for seascapes, this is the best lens. there's no such thing as a lens that can do it all. Sige kayo na lang :)

So base sa mga nabanggit kong features na gusto ko sa isang camera, mayroon akong nakitang parang ginawa ayon sa aking pangangailangan... ang Canon G1X :D

*galing dito ang larawan

Ayon sa DPreview

Canon G1 X specification highlights

• 14MP 1.5" CMOS sensor (18.7 x 14mm)
• 28-112mm F2.8-5.8 lens
• Optical viewfinder
• ISO 100-12,800
• 3.0", 920,000 dot swivelling LCD
• Extensive manual control
• 14-bit Raw shooting
• 4.5fps continuous shooting (up to 6 frames)
• 6.8Wh NB-10L battery rated at 250 shots (CIPA standard)

PUWEEEEDEEEEEEEE

Bagama't sa presyo niya, makakabili ka na ng Canon 600D na slr (may sukli pa), which is an upgrade sa dati ko, sa tingin ko, kahit namimiss ko ang slr, mas nanalo ang katamaran kong magbitbit ng slr sa leeg at slr bag sa balikat (na laman ay mga lente). May mga DSLR pa din naman ang mga kapatid ko sa hihiramin ko na lang kung sakali mang mamiss ko :D so heto ang nanalo! 

Hopefully makakuha ako ng unit as soon as possible para abot sa Holy Week Vacation ng family :) At pag puwede na uli ako kumain ng mga namimiss ko ngayong Lent, ipo-post ko dito ang mga nakakatakam na pictures nila susubukan kong mag-post ng mas maayos na picture nila haha!