Manila: Lolo Dad's Cafe

I'm back!!! After a long hiatus, nakahanap na ulit ako ng time magkwento :) So ano nga bang nangyari mula nung huli kong entry last November 2012?

- Nakapunta na ako sa Mindanao for the first time - Ozamis, Iligan, CDO (Nov 2012)
- Nagdaan ang Pasko at umuwi na ako sa Lucena para tumulong sa family business (kaya less time magsulat)
- Nag-aral mag-surf sa La Union at bumalik ng Baguio (Jan 2013)
- Bumalik sa Mindanao, this time sa Davao (Feb 2013)
- Nag-Holy Week sa Subic
- Nagkaroon ng unang pamangkin June 1, 2013 (yun sana ipo-post ko kaso ayaw magpapost ng pics ng kuya ko)
- at marami pang mga okasyon at mga experience ang nagdaan na susubukan kong balikan :)

Fast-forward sa birthday celebration ko this year, nagtungo kami ni Blanca sa Lolo Dad's Cafe na matagal ko nang pinapangarap makainan. Actually, kung wala nga kaming coupons from Deal Grocer, baka hindi pa rin ako naglakas loob pumunta dun kasi wala naman sa aking budget ang kumain sa mga mamahaling lugar (sorry, jologs lang).

So ayun, pagpunta namin sa lugar at pagkaabot ng menu, meron naman palang mga modest portion na kahit mahal, ay hindi gaano nakakasindak. At dahil may coupons naman kami at kahit papaano ay may pera akong dala, naisip namin ni Blanca na tikman bawat klase - at hangga't maaari ay yung first entry bawat section ang orderin dahil yun daw ang pagkakasunod-sunod ng recommendation. (Naks, nagyabang ang mga feelingero - naisip kasi naming sulitin ang experience baka hindi na kami makabalik, haha!)

*click pictures to enlarge*

 Habang naghihintay kami, hinainan kami ng hot bread with garlic butter

 Siyempre kinain namin, si Blanca naka-dalawa, ako isa lang kasi ayaw ko magpakabusog agad :p

Pero tiningnan ko uli ng maige ang kaharap kong partner ko, hindi ko maiwasang mabusog sa pag-ibig... boooom!

 Siyempre gusto rin ni Blanca na picturan ako kasi birthday ko, at nung tiningnan ko yung picture, tsaka ko lang napansin na kita pala yung kitchen sa likod ko!

 Nung lumingon ako, bigla akong kinilig! As in nakakita na ako ng mga sikat na artista, photographers na idol ko, pero ngayon lang ako kinilig ng ganito dahil nasa harap ko ang idol kong si Chef Ariel Manuel at napapanood ko siya in action! Pagkakita ko, sabi ko kay Blanca, pag nagka-chance ako, magpapapicture talaga ako!

 So, dumating na ang unang order namin

Gourmet Salad

-Prawns, Mushrooms, Feta Cheese and Kalamata Olives in Sundried Tomato vinaigrette tossed Salad leaves

 Huge (pwede ring literal) fan ako ng gulay na may vinaigrette. Kung kagaya kita, orderin mo ito! Yung lutong ng sariwang gulay kasama ng masarap na parang pan-grilled shrimp tapos yung mushrooms... ahhhh swabe! Plus, hindi tipid sa Feta cheese kahit modest portion lang, yun nga lang nabitin kami ni Blanca sa Kalamata Olives kasi tig-isa lang kami. haha!

Double Espresso Soup

- Cream of Mushroom and Tomato with Salted fleuron

 ang kabanuan namin, akala namin ni Blanca, may halong Espresso yung soup, so dahil inakala naming baka weird (in a good way), kaya namin inorder. Pagdating sa amin, nasa dalawang espresso cups yung cream of mushroom (brown) at cream of tomato (orange) magkahiwalay. Mabuti na lang, medyo kakaiba pa rin yung soup. Bakit kamo? Matapang ang lasa nung soup. Hindi siya yung tipong kukutsarain mo ng dire-diretso. Malakas talaga yung lasa kaya pasip-sip lang habang naka pinky-up para susyal talaga ang experience, haha! Naubos namin ni Blanca ito na walang conclusion kung alin ang mas masarap kasi pareho silang sobrang sarap. Napatigil nga kami at nagtanong sa sarili namin, "OA lang ba tayo o talagang ganun siya kasarap?!", dahil kada sip at subo ay napapangiti kami!

Nagpa-picture kami sa isa sa mga mababait na staff after ng starters namin ng biglang...

TENEN!!! Lumabas si Chef Ariel at talagang pakapalan na ng mukha, sinabihan kong "pwede po bang magpa-picture?" Sabay nag gesture siya na kukunin camera ko at pipicturan kami ni Blanca, haha! Lalo akong kinilig dahil ambait at approachable niya!

 Si Blanca nainggit, nagpapicture din! 

 Pagkatapos naming magpa-pic, tinanong niya ako kung birthday ko at binati ako, nagulat ako kung paano niya nalaman! Palaisipan talaga. Bigla kong naisip, siguro dahil ngayon lang niya ako nakita, tapos banong-bano pa ako na tipong hindi sanay sa fine dining, kaya malamang naisip niya na special occasion ito, haha!

after namin mag starters, binigyan kami ng lemon sorbet. Sabi ng staff, "Sir, Ma'am, to cleanse your palate." Sabay serve habang gumagapang ang usok mula sa dry ice. BRAVO!!! Nabano ako haha! *watch*

After namin mag cleanse ng palate, sinerve na ang main course (nauna yung sauce nung pork)

 Confit of Kurobota Pork Belly

Arborio rice with Chorizo, Prosciutto and Pancetta Garlic and Melocoton sauces

 Sobrang lambot nung pork at masarap kainin kasama yung TABA at sauce. Normally hindi ako kumakain ng taba pero sobrang lasa talaga at bagay dun sa Arborio Rice. Tuwang-tuwa na ako e, pero nagbago ang lahat ng matikman ko itong susunod...

Pan-fried fillet of Seabass 

with Blue crab Potatoes and Smoked Salmon filled Mushrooms in Oyster cream sauce

 dinedeklara ko ito na PINAKAMASARAP NA ISDA na nakain ko sa buong buhay ko. I SH*T YOU NOT!

Nakakain na ako ng seabass before, kahit yung una kong natikmang seabass sa Makati Shang, sibak dito! Sa quality at quality ng pagkakaluto, para kang kumakain ng mataba-tabang isda na parang bawat kagat ay may kumakatas na fish oil. Tapos bagay pa yung mashed potato na may parang lasang truffle (kahit wala sa description), aaahhhhhh HEAVEN! Mawala na ang steaks sa mundo, wag lang ito! Ganun siya kasarap! Yeah, I said it!

Inuna namin ubusin yung pork at pareho kaming nalungkot nung last bite na ng fish...

Mabuti na lang, dessert time!!!

 Inorder namin yung top 2 desserts at unang pinaserve yung #2

Frozen Mango Terrine with Deep Fried Beignets,

Rose Syrup and Cheese Ice Cream

 Nagustuhan ko itong dessert na ito (pero hindi kasing level nung sa isda ha). Si Blanca hindi nakain yung Fried Beignets dahil....

TENEN!

 May Cinnamon! haha! More for me :D Ang laman nung Fried beignets ay Mangoes with cream. Okay yung Ice cream pero mas gusto ko yung Frozen Mango Terrine part kasi parang kumakain ng frozen mango cream pie :)

After namin maubos, pinalabas na namin yung #1

Sampler of Chocolates

White chocolate Off-mold Brulee, Dark Chocolate Terrine, Chocolate Flan, and White Chocolate and Caramel Ice Cream

 May fresh berries pa! Party sa bibig!!!

Ang pinakagusto ko ay Chocolate Flan. Para kang kumakain ng tunaw pero buo na malamig na smooth dark chocolate... ahhhhh! Swabe!

Heto naman ang top ni Blanca kasi maraming nuts

Nagustuhan din ni Blanca itong Off-Mould Brulee

So ngayong na-experience ko na ang Lolo Dad's, sulit ba kamo ang paghihintay? OO NAMAN!

Babalik ba ako? YES, YES, YES! May deal o wala, gusto ko uling makain yung Seabass, actually gusto ko matikman ng tatay ko ito dahil pareho kaming fan ng seabass :D

Para sa mga hindi pa nakakasubok at nag-aalangan dahil baka hindi sulit, TRUST ME, SULIT NA SULIT!

Happy Birthday to me! :D

Sa uulitin,

Chewy

from their website:

Lolo Dad’s Cafe

899 Pres. Qurino Ave. cor. Leon Guinto St., Malate Manila

Phone Number : (63 2) 522-2941, 524-2295, 526-7151

Cellphone Number : +639228125971

Operating Hours :

Monday : Open from 6:30pm to 10:30pm | Dinner

Tuesday to Saturday : Open from 11:00am to 2:00pm for Lunch | 6:30pm to 10:30pm for Dinner

Sunday : Closed

0° (Zero Degree) Artisanal Ice Cream by MJ

For the past two months, magkahalong takot at kaba ang nangingibabaw sa aking isipan. Everyday, pagkagising hanggang bago matulog, nasa isip ko ang health ng parents ko, especially my Mom. Salamat sa mga tumulong manalangin, last August 3, naging successful ang kidney transplant ng nanay ko, and after her check-up last Friday, okay sa alright na daw yung Creatinine level niya :) Thank You, Lord! 

Last August 5th, after 2 days ng pagbabantay sa ospital, naimbitahan kami ng mabuting kaibigan namin na si MJ Acosta ng CheckEatOut na pumunta sa kanilang tirahan para tikman ang ginawa niyang ice cream na made with only the freshest ingredients. Siyempre, kahit bumabagyo na ng mga panahong iyon, after maging successful ng operasyon ni mama at makahinga ng maluwag-luwag, tatanggihan ko ba naman ang kanyang imbitasyon? (Actually, matakaw lang talaga kami kaya hindi kami tumanggi sa imbitasyon haha)

Pagdating namin, may 3 cuties na sumalubong sa amin, kaya lang, natakot sina Blanca kaya kinulong tuloy sila :(

Matagal kaming hindi nagkita ni MJ at Jill (dati ko kasi silang mga katrabaho) kaya ayun kwentuhan muna kami at busog pa rin naman kami nina Blanca kasi kumain kami sa Ha Yuan, bago pumunta sa kanila. Matapos naming magkumustahan, hinain na sa amin ni MJ ang kanyang work of art...

 Whoa! Hanep sa presentation/plating haha! 

Yung nakikita ninyong red ball of goodness na nasa ibabaw ng meringue ay ang Strawberry Basil Sorbet with Grand Marnier. Samantalang makikita sa likod nila ang 3 layers of ice cream. Hiwa-hiwalay talaga silang flavors pero masarap at bagay silang magkakasama. If you'll take a closer look at the picture above (click to enlarge), yung pink layer ay ang Roasted Strawberry Ice Cream with Tequila Rose, yung dark brown layer ay ang Tea Infused Dark Chocolate Ice Cream, at yung white-yellowish layer na may lahok ay ang Mascarpone Cheese Ice Cream with Roasted Nuts & Vodka-Plumped Berries.

Ang ganda ng itsura na nahihiya akong kainin! (naramdaman ko lang ito for 10 seconds, para kunwari pakipot tapos ayun sinimulan ko na din kainin haha) So kumusta ang lasa? Heto ang masasabi ko na binalaan ko naman ang kaibigan na si MJ na honest opinion ko lang at wala akong finesse sa way ng paglarawan ko ng pagkain haha!

 Strawberry Basil Sorbet with Grand Marnier - Unang tikim pa lang, iisang word ang pumasok sa utak namin nina Blanca - REFRESHING! Ito yung tipong masarap kainin matapos ang isang swabeng makasalanan/malangis na pagkain kasi parang may "linis" effect sa bibig. Hindi ko maipaliwanag ng maayos pero swabe sa pakiramdam kasi lasang-lasa mo yung strawberry at may hint ng basil na parang nagkakaroon ng "malamig" na effect sa loob ng bibig. (wag kang pilosopo na sasabihing malamig dahil galing sa freezer). Favorite sorbet daw ni Blanca ito! (Ako din nung una, pero malalaman ninyo mamaya kung bakit may mas gusto ako). Highly-recommended!

Roasted Strawberry Ice Cream with Tequila Rose - for strawberry-lovers, kung ayaw ninyo ng sorbet at gusto ninyo ay ang smooth na smooth na texture ng ice-cream na tipong parang nanlalambing at nanliligaw sa dila ninyo habang sinisipsip, para sa inyo ito! Actually, lahat ng ice cream ni MJ ay may ganung texture na extra silky smooth kumpara sa mga nabibiling mga Selecta, atbp. After namin makain ito, mararamdaman mo yung init sa katawan mo dahil Tequila Rose ang gamit dito haha! Don't worry, hindi naman nakakalasing unless OA ang tolerance ng katawan mo sa alcohol :)

Tea Infused Dark Chocolate Ice Cream - pagdating sa chocolates, nagkakasundo kami ni Blanca na Dark talaga ang masarap kumpara sa milk at white. Mabuti na lang, yun din ang hilig ni MJ kaya mataas ang standards niya sa quality ng lasa ng flavor na ito. Isipin mong para kang kumakain ng dark chocolate bar, except in silky smooth ice cream form! Heaven! Tip: masarap siyang kasama nung tequila rose na flavor at hindi sila nagsasapawan sa lasa! A must try!

Mascarpone Cheese Ice Cream with Roasted Nuts & Vodka-Plumped Berries - The first two flavors, masarap siya at not your ordinary grocery/mass-produced ice cream. Pero hetong Mascarpone Cheese flavor, heto ang pinakaswabe at talagang nag-agawan kaming apat (Ako,Blanca,Siobe, at Bea) sa huling patak! I swear, hindi nakakasawang kainin kahit makarami ng kain dahil bawat kagat, either may nuts (almond, walnuts, etc.) kang nakakain o kaya berries (cranberry, blueberry, o strawberry) or pareho na sumasama sa napakasarap na cheese ice cream! Nakatikim na ako ng mga espesyal na ice cream gaya ng sa mga Sebastian's at iba pa pero wala pa akong nakikitang gaya ng mga flavors ni MJ at lalo na nitong Mascarpone Cheese! Nainlove kaming apat dito na sa katunayan, umorder agad ako kay MJ haha! Wala pang nakahanda nung panahong yun at by order so binalikan ko siya a week after at nagdala ako ng cooler para talagang maibyahe ko ng maayos :D Heto ang pagkaing tipong dapat matikman sa buhay!

Naiuwi ko ang apat na half-pint cups ng  Mascarpone Cheese Ice Cream with Roasted Nuts & Vodka-Plumped Berries ng maayos at ganun pa din kaswabe ang texture. At mas madami pang lahok kesa sa pinatikim sa amin kaya mas swabe! :D

Pero hindi nagtatapos doon ang kwento, after a week, kinontak na naman ako ni MJ para magpatikim ng new flavors. At dahil alam ko na ngayon ang quality ng mga produkto niya, hindi na ako tumanggi at dumayo uli ng Fort Bonifacio para matikman ang latest creations niya. Ngayon ko natikman ang aking favorite sorbet, ang Mango Cilantro Sorbet!

 Si Blanca kasi, mahilig sa strawberries, ako naman, gusto ko din ang strawberries pero paborito ko talagang prutas ay ang mangga! Kaso may problema, sa totoong buhay, ayaw ko ng may Cilantro ang mga ulam ko at talagang tinatanggal ko ito. Pero, ngayon ko lang nagustuhan kainin ito dahil bagay pala siya sa dessert lalo na dito sa sorbet. Same effect siya nung basil na tipong refreshing sa bibig at para kang kumakain ng malamig na manggang natutunaw sa bibig! Heto ang paboritong sorbet ko!

Akala ko ay yun na ang highlight ng gabi ko, pero meron pa palang bagong flavor si MJ ng ice cream niya, ang Coconut Dulce de Leche w/ Almonds

Nung matikman namin ni Blanca ito, bigla kong naalala ang leche flan ng Chibugan Republik! Malapit yung lasa niya tapos nababasag ng almonds yung tamis kaya hindi din nakakasawa. Actually nagtatalo na sa isip namin ni Blanca kung ang top 1 ba ay yung Mascarpone Cheese o heto, pero after ng masusing pagkukumpara (masusi talaga?!), nanalo ang Mascarpone Cheese ng ga-buhok lang dahil sa variety ng lahok. Pero habang sinusulat ko ito, parang ayaw kong mamimili sa kanila at pareho ko silang gustong-gusto haha!

Sa ngayon, nag-uumpisa na talagang magbenta si MJ pero by order pa lang na may 2 days lead time kasi ganito ang proseso at prinsipyo niya: pagka-order ninyo, tsaka pa lang siya bibili ng fresh na ingredients, at take note, pinipili niya nang mabuti ang kanyang ingredients, so halimbawa, hindi matatamis ang mga mangga/strawberries na available, sasabihan niya kayo na hindi muna available kesa sa ma-sacrifice ang quality. Pero sinasabi ko sa inyo, super worth it/sulit ito!

Heto ang list of flavors na available niya at i-update ko ito kung may madagdag. These flavors come in half-pint hard plastic containers kaya hindi basta-basta nayuyupi

Sorbet

+ Strawberry Basil Sorbet with Grand Marnier P120
+ Mango Cilantro Sorbet P100
Ice Cream
+ Mascarpone Cheese Ice Cream with Roasted Nuts & Vodka-Plumped Berries P120
+ Roasted Strawberry Ice Cream with Tequila Rose P120
+ Tea Infused Dark Chocolate Ice Cream P140
+ Coconut Dulce de Leche w/ Almonds P140

 Perfect example ito ng affordable na high quality food. For those who want to order this awesome comfort food, heto ang contact details niya:

Mobile Number: 09178351472

Pwede niyo rin siyang i-personal message sa facebook: https://www.facebook.com/blacklotusss

Pag-usapan niyo na lang kung saan ang pick-up and kung hindi niyo kakainin agad at byabyahe kayo ng malayo gaya ko, mas maganda kung may dala kayong cooler. Subukan niyo, masarap promise :D Enjoy!

Chewy