Manila: Wai Ying

Tuwing nag-aadjust ng DST o Daylight Savings Time, nagiging 5pm to 2am ang pasok ko. Dahil sa shift kong ito na lalong naging late, nahirapan na ako makakain ng isa sa mga paborito kong siomai sa balat ng lupa, siomai ng Wai Ying! Bukas lang kasi sila hanggang 2am ng madaling araw, nagmamadali ako dati magmaneho pagkalabas ng 1am makaabot lang sa Binondo para dito! Sayang at hindi pa naging 24 oras, para palitan sila ng Su Zhou pag nagugutom kami late at night :)

Heto ang menu nila

Siyempre habang naghihintay, nagtimpla na ako ng 3 parts chili sauce, 1 part toyo, dalawang kalamansi :D

  

Meron din silang Jasmine Tea na libre kaya swabe talaga kumain dito!

Pag sineswerte ka, wala pang 2 minutes, darating na ang Siomai. (mabenta kasi to kaya laging handa.)

 kitang kita dito yung chunks ng hipon at mushroom! Sobrang sarap nito! Isa sa mga masasarap na siomai na matitikman mo sa buong buhay mo :D

 Isa rin sa best sellers nila ang Hakaw. Masarap naman siya pero Siomai pa din ang star hehe

 Heto pa ang isang malupit na inoorder namin dito, Century Egg Siomai. Siomai na may Century Egg sa gitna, panalong kombinsayon! Kaya lang namin madalang orderin to ay kasi ang hirap hatiin sa aming dalawa kasi 3 big pieces siya pag sine-serve haha!

 Tausi Spareribs, hindi man kasing swabe ng sa Le Ching, masarap din to :)

 Heto ang isang recently lang namin natikman dahil sa kaibigan naming si Mich. May na-order daw kasi siyang masarap na Ham Sui Kok, eh meron sa Wai Ying, so sinubukan namin.

 Para siyang Buchi na walang sesame seeds sa labas at giniling na baboy ang nasa loob.

Nasarapan kami ni Blanca, sabi ni Mich, mas masarap pa din daw yung nakain niya haha! Pero sa mamahalin naman ata yun so pwede na kami dito :D

Siyempre, hindi mawawala ang Star Beverage na Milk Tea Jelly!

Solid! Simpleng milk tea na may coffee jelly. Wala nang arte arte gaya ng mga nauusong milk tea ngayon, uulitin ko, Solid!

Yan ang mga must-orders kung mag mimidnight snack kayo sa Wai-ying o kahit simpleng merienda :) Nagutom na naman ako!

Sa uulitin,

Chewy

Wai Ying

Along Benavidez St. sa Binondo, pag kaliko lang from President's

7am to 2am daily

 (02) 243 0715