Manila: SuZhou Dimsum Malate

Nakatagpo ka na ba ng restaurant na kung ihahambing sa mga kaibigan eh yung "go-to guy" mo? Yung tipong  Kobe Bryant sa 4th quarter, Caguioa at Helterbrand sa dying seconds, Manny Pacquiao sa post-fight interview, sa madaling salita, consistent-maasahan? Kung sa Quezon ay may Antigua, Zymurgy, at Palaisdaan kaming maasahan, pagdating dito sa Maynila, lalo na't madaling araw na, sa SuZhou Malate kami kadalasan napapadpad ni Blanca. Sa katunayan, walang halong biro, pag dumadating kami dun, isang thumbs up lang sa staff, alam na nila ang ihahain nila sa amin haha! Heto ang automatic na hinahanda pag nakita kami:

Century Egg na hinati sa marami

Steamed Kuchay Dumpling

Sarap naman kasi ng loob ng Kuchay oh!

Automatic na din na magbibigay ng maraming chili sauce :D

So aside from these two, yung staff, lalapit na lang samin para alamin kung ano yung third item. Kadalasan laging may ikatlo na yun lang ang nagbabago sa order namin depende sa mood at sa level ng gutom :)

Pag gutom na gutom: Beef  Kenchi Noodle Soup

(kalahati pa lang tong nasa picture, pinapa-separate na namin pag sineserve kasi ang dami)

Ang sarap nito, parang pinasarap na instant mami ang lasa hehe, nakakagana! Anlambot pa nung baka.

Minsan kapag hindi naman gaano gutom, Xiao Long Bao order namin

Hindi man kasing lambot/nipis yung pambalot kagaya sa LuGang o Crystal Jade, hindi naman siya ganun kakapal at masarap yung stock! Mapapahigop ka talaga ng bawat patak nito :)

At kapag medyo light lang trip at gusto lang mamapak, Shrimp Roll lang dagdag na order namin :)

Malutong-lutong yung balat at ang sarap nung minced shrimp and pork na laman :) Nasasarapan talaga kami ni Blanca sa putaheng ito hehe

Heto pa ang ibang pwedeng orderin sa kanila

Isa ang restaurant na ito sa inspirasyon namin sa Chibugan Republik. Sana balang araw, maging "go-to" restaurant ng ibang tao ang resto namin gaya ng pagtingin namin sa SuZhou haha!

Sa uulitin,

Chewy