Manila: Rainy Day Food: Pat Pat's Kansi

Patapos na ang September at ngayon lang ako nagkaroon ng time para magsulat ng entry :s Sobrang daming trabaho at lalo pang bubuhos dahil papasok na ang Q4 ng taon; panahon na boom na boom ang advertising industry. At dahil lumalamig na ang panahon, kahit minsan tinotopak na sobrang init at nakakapagpa-resign sa deodorant, nais kong ibahagi ang isa sa lagi naming takbuhan ni Blanca kapag gusto namin ng pampainit na comfort food :) Ang Pat Pat's Kansi!

Ano nga ba ang kansi? Well, sa madaling sabi, bulalo na may asim at namis ang sabaw - Ilonggo style :) Swabe ang lasa nito at mahirap ikumpara sa bulalo dahil magkaiba sila ng pagka-swabe, haha! Masarap kumain dito lalo na kung maulan sa labas. Yun nga lang, pag maulan, asahan mong maraming tao dito at maghihintay ka muna bago makakuha ng lamesa.

simple lang at hindi nakakalito ang menu nila

Mapapansing dalawang klase ng pagpipilian ng Kansi, isa ay Bulalo, at isang Laman. Ang pinagkaiba lang nila, yung Bulalo ay may utak at konting laman, yung Laman ay bobo at puro laman lang talaga. At dahil lima kami nung kumain dito, inorder namin pareho. Pero kung kami lang ni Blanca, sa may utak lagi kami - cholesterol siyempre!

Don't worry, may tools sila panungkit ng utak kaya hindi kayo mahihirapan

Habang naghihintay, naghanda na ako ng sawsawan para sa inorder pa naming ibang ulam at panlagay sa sabaw

Suka, maraming-mraming sili, at konting toyo, solb!

hindi ganun kadami ang serving ng kanin nila... (wushoo... palusot lang dahil lagi kaming napapa extra-rice sa sarap!)

unang dumating ang isa sa lagi naming inoorder dito, ang Grilled Boneless Bangus nila. Walang arteng inihaw lang kasi at juicy yung laman na tipong bawat kagat ay kumakatas talaga dahil sariwa. Plus mataba yung tiyan part kaya paunahan kami sa pagkayod nito haha! Swabe sa sauce na ginagawa ko!

Ang isa pa sa lagi naming inoorder ay inihaw na liempo. Actually, maraming mas masarap na liempo kesa rito pero dahil masarap kumain ng masunogsunog na taba kasama ng kaning pinaliguan ng sabaw ng kansi... ih-ih! Yanung sarap ay! Swabeng-swabe!

Heto ang laman na order ng Kansi, masarap siya at talagang malambot ang karne. Yung tipong pag hinalo mo sa kanin kasama ng sabaw, magshre-shred yung laman :D

Pero.... kahit gaano kasarap yung laman (masarap talaga), mas mahal ko itong bulalo!

Nakikita niyo yung utak part? Solid yan! Malalim yan at talagang pag sinungkit o tinaktak, lampas isang bundok ng kutsara! Heto ang masarap na way magpaalam sa mundo! Tapos ang daming litid-litid na kasama... ahhhh heaven! Yung tipong pagkatapos kumuha ng "lahat" kukunin mo na yung butong part at ngangasabin na parang asong kumakain ng buto! Boooom!

Heto yung mga tipong utak na a part of it, dudurugin mo sa kanin kasama ng sabaw at konting karne, tapos pwede kang mag set aside ng malaking chunk pang finale o gaya ng term namin ni Blanca, tinatabi namin for dessert haha!

Kung hindi niyo pa nasusubukan, HIGHLY RECOMMENDED! Sarado nga lang sila pag Linggo pero sulit dayuhin, hindi kayo magsisisi :)

Pat-Pat's Kansi

8809 Sampaloc St. San Antonio Village, Makati

(medyo tago pero katabi lang ito ng Metrobank sa Kamagong St.)

(02) 8906179

Mon-Sat
10am-10pm

Sa uulitin,

Chewy

0° (Zero Degree) Artisanal Ice Cream by MJ

For the past two months, magkahalong takot at kaba ang nangingibabaw sa aking isipan. Everyday, pagkagising hanggang bago matulog, nasa isip ko ang health ng parents ko, especially my Mom. Salamat sa mga tumulong manalangin, last August 3, naging successful ang kidney transplant ng nanay ko, and after her check-up last Friday, okay sa alright na daw yung Creatinine level niya :) Thank You, Lord! 

Last August 5th, after 2 days ng pagbabantay sa ospital, naimbitahan kami ng mabuting kaibigan namin na si MJ Acosta ng CheckEatOut na pumunta sa kanilang tirahan para tikman ang ginawa niyang ice cream na made with only the freshest ingredients. Siyempre, kahit bumabagyo na ng mga panahong iyon, after maging successful ng operasyon ni mama at makahinga ng maluwag-luwag, tatanggihan ko ba naman ang kanyang imbitasyon? (Actually, matakaw lang talaga kami kaya hindi kami tumanggi sa imbitasyon haha)

Pagdating namin, may 3 cuties na sumalubong sa amin, kaya lang, natakot sina Blanca kaya kinulong tuloy sila :(

Matagal kaming hindi nagkita ni MJ at Jill (dati ko kasi silang mga katrabaho) kaya ayun kwentuhan muna kami at busog pa rin naman kami nina Blanca kasi kumain kami sa Ha Yuan, bago pumunta sa kanila. Matapos naming magkumustahan, hinain na sa amin ni MJ ang kanyang work of art...

 Whoa! Hanep sa presentation/plating haha! 

Yung nakikita ninyong red ball of goodness na nasa ibabaw ng meringue ay ang Strawberry Basil Sorbet with Grand Marnier. Samantalang makikita sa likod nila ang 3 layers of ice cream. Hiwa-hiwalay talaga silang flavors pero masarap at bagay silang magkakasama. If you'll take a closer look at the picture above (click to enlarge), yung pink layer ay ang Roasted Strawberry Ice Cream with Tequila Rose, yung dark brown layer ay ang Tea Infused Dark Chocolate Ice Cream, at yung white-yellowish layer na may lahok ay ang Mascarpone Cheese Ice Cream with Roasted Nuts & Vodka-Plumped Berries.

Ang ganda ng itsura na nahihiya akong kainin! (naramdaman ko lang ito for 10 seconds, para kunwari pakipot tapos ayun sinimulan ko na din kainin haha) So kumusta ang lasa? Heto ang masasabi ko na binalaan ko naman ang kaibigan na si MJ na honest opinion ko lang at wala akong finesse sa way ng paglarawan ko ng pagkain haha!

 Strawberry Basil Sorbet with Grand Marnier - Unang tikim pa lang, iisang word ang pumasok sa utak namin nina Blanca - REFRESHING! Ito yung tipong masarap kainin matapos ang isang swabeng makasalanan/malangis na pagkain kasi parang may "linis" effect sa bibig. Hindi ko maipaliwanag ng maayos pero swabe sa pakiramdam kasi lasang-lasa mo yung strawberry at may hint ng basil na parang nagkakaroon ng "malamig" na effect sa loob ng bibig. (wag kang pilosopo na sasabihing malamig dahil galing sa freezer). Favorite sorbet daw ni Blanca ito! (Ako din nung una, pero malalaman ninyo mamaya kung bakit may mas gusto ako). Highly-recommended!

Roasted Strawberry Ice Cream with Tequila Rose - for strawberry-lovers, kung ayaw ninyo ng sorbet at gusto ninyo ay ang smooth na smooth na texture ng ice-cream na tipong parang nanlalambing at nanliligaw sa dila ninyo habang sinisipsip, para sa inyo ito! Actually, lahat ng ice cream ni MJ ay may ganung texture na extra silky smooth kumpara sa mga nabibiling mga Selecta, atbp. After namin makain ito, mararamdaman mo yung init sa katawan mo dahil Tequila Rose ang gamit dito haha! Don't worry, hindi naman nakakalasing unless OA ang tolerance ng katawan mo sa alcohol :)

Tea Infused Dark Chocolate Ice Cream - pagdating sa chocolates, nagkakasundo kami ni Blanca na Dark talaga ang masarap kumpara sa milk at white. Mabuti na lang, yun din ang hilig ni MJ kaya mataas ang standards niya sa quality ng lasa ng flavor na ito. Isipin mong para kang kumakain ng dark chocolate bar, except in silky smooth ice cream form! Heaven! Tip: masarap siyang kasama nung tequila rose na flavor at hindi sila nagsasapawan sa lasa! A must try!

Mascarpone Cheese Ice Cream with Roasted Nuts & Vodka-Plumped Berries - The first two flavors, masarap siya at not your ordinary grocery/mass-produced ice cream. Pero hetong Mascarpone Cheese flavor, heto ang pinakaswabe at talagang nag-agawan kaming apat (Ako,Blanca,Siobe, at Bea) sa huling patak! I swear, hindi nakakasawang kainin kahit makarami ng kain dahil bawat kagat, either may nuts (almond, walnuts, etc.) kang nakakain o kaya berries (cranberry, blueberry, o strawberry) or pareho na sumasama sa napakasarap na cheese ice cream! Nakatikim na ako ng mga espesyal na ice cream gaya ng sa mga Sebastian's at iba pa pero wala pa akong nakikitang gaya ng mga flavors ni MJ at lalo na nitong Mascarpone Cheese! Nainlove kaming apat dito na sa katunayan, umorder agad ako kay MJ haha! Wala pang nakahanda nung panahong yun at by order so binalikan ko siya a week after at nagdala ako ng cooler para talagang maibyahe ko ng maayos :D Heto ang pagkaing tipong dapat matikman sa buhay!

Naiuwi ko ang apat na half-pint cups ng  Mascarpone Cheese Ice Cream with Roasted Nuts & Vodka-Plumped Berries ng maayos at ganun pa din kaswabe ang texture. At mas madami pang lahok kesa sa pinatikim sa amin kaya mas swabe! :D

Pero hindi nagtatapos doon ang kwento, after a week, kinontak na naman ako ni MJ para magpatikim ng new flavors. At dahil alam ko na ngayon ang quality ng mga produkto niya, hindi na ako tumanggi at dumayo uli ng Fort Bonifacio para matikman ang latest creations niya. Ngayon ko natikman ang aking favorite sorbet, ang Mango Cilantro Sorbet!

 Si Blanca kasi, mahilig sa strawberries, ako naman, gusto ko din ang strawberries pero paborito ko talagang prutas ay ang mangga! Kaso may problema, sa totoong buhay, ayaw ko ng may Cilantro ang mga ulam ko at talagang tinatanggal ko ito. Pero, ngayon ko lang nagustuhan kainin ito dahil bagay pala siya sa dessert lalo na dito sa sorbet. Same effect siya nung basil na tipong refreshing sa bibig at para kang kumakain ng malamig na manggang natutunaw sa bibig! Heto ang paboritong sorbet ko!

Akala ko ay yun na ang highlight ng gabi ko, pero meron pa palang bagong flavor si MJ ng ice cream niya, ang Coconut Dulce de Leche w/ Almonds

Nung matikman namin ni Blanca ito, bigla kong naalala ang leche flan ng Chibugan Republik! Malapit yung lasa niya tapos nababasag ng almonds yung tamis kaya hindi din nakakasawa. Actually nagtatalo na sa isip namin ni Blanca kung ang top 1 ba ay yung Mascarpone Cheese o heto, pero after ng masusing pagkukumpara (masusi talaga?!), nanalo ang Mascarpone Cheese ng ga-buhok lang dahil sa variety ng lahok. Pero habang sinusulat ko ito, parang ayaw kong mamimili sa kanila at pareho ko silang gustong-gusto haha!

Sa ngayon, nag-uumpisa na talagang magbenta si MJ pero by order pa lang na may 2 days lead time kasi ganito ang proseso at prinsipyo niya: pagka-order ninyo, tsaka pa lang siya bibili ng fresh na ingredients, at take note, pinipili niya nang mabuti ang kanyang ingredients, so halimbawa, hindi matatamis ang mga mangga/strawberries na available, sasabihan niya kayo na hindi muna available kesa sa ma-sacrifice ang quality. Pero sinasabi ko sa inyo, super worth it/sulit ito!

Heto ang list of flavors na available niya at i-update ko ito kung may madagdag. These flavors come in half-pint hard plastic containers kaya hindi basta-basta nayuyupi

Sorbet

+ Strawberry Basil Sorbet with Grand Marnier P120
+ Mango Cilantro Sorbet P100
Ice Cream
+ Mascarpone Cheese Ice Cream with Roasted Nuts & Vodka-Plumped Berries P120
+ Roasted Strawberry Ice Cream with Tequila Rose P120
+ Tea Infused Dark Chocolate Ice Cream P140
+ Coconut Dulce de Leche w/ Almonds P140

 Perfect example ito ng affordable na high quality food. For those who want to order this awesome comfort food, heto ang contact details niya:

Mobile Number: 09178351472

Pwede niyo rin siyang i-personal message sa facebook: https://www.facebook.com/blacklotusss

Pag-usapan niyo na lang kung saan ang pick-up and kung hindi niyo kakainin agad at byabyahe kayo ng malayo gaya ko, mas maganda kung may dala kayong cooler. Subukan niyo, masarap promise :D Enjoy!

Chewy

Manila: Late Night Chibog: Lucky Way

Kapag gusto naming maging adventurous ni Blanca, after work (1am), naglilibot lang kami ni Blanca sa Malate para maghanap ng mga restaurant na pwedeng kainan. Sa dami ng mga restaurants sa Malate, si Blanca muna ang nagscri-screen ng mga ito bago namin subukan at binabase niya ito sa itsura lang.

Karaniwang usapan namin sa loob ng sasakyan:

Brian: diyan na lang tayo, malay mo masarap

Blanca: Ayoko, mukhang hindi promising.

Tapos ang usapan.

Itong Lucky Way, matagal na naming nakikita ito at at least dalawang beses na nga tinanggihan ni Blanca ito dahil "mukhang hindi promising".

Hindi ko rin naman masisisi si Blanca eh. Paano ba naman, hindi namin malaman kung ano ba ang specialty nila, yung name na Lucky Way, parang Chinese restaurant, tapos yung specialties sa signage, Roasted Chicken, Pizza, Pasta, Kabab at Shawarma. Hindi malaman kung Italian ba o Middle Eastern.

Pero dahil at least dalawang taon na namin nakikita itong restaurant na ito, binitawan ko na ang malupet na argument ko kay Blanca na "subukan natin yan, hindi naman tatagal yan ng ganyan kung hindi maayos ang pagkain eh". Sa wakas! Pumayag na din si Blanca :)

Pagpasok sa loob, simple lang siya at malinis. Air-conditioned siya at hindi nakapit ang amoy sa damit :) Pagtingin namin sa menu, nagulat ako na marami silang ino-offer at may Filipino food pa (bukod sa turo-turo section)

Para hindi sumablay, tinanong namin sa staff kung ano ang specialty nila, sabi nila, roasted chicken, kabab, shawarma daw. Since madali kaming kausap, inorder namin yung tatlo haha!

Unang dumating yung roasted chicken. And I (we) shit you not, malasa at masarap yung manok, sibak yung sa mga Andok's, Chooks To Go, Baliwag, atbp.! Tapos bagay siya sa garlic sauce na gamit din sa mga shawarma at kabab. Panalo! Dahil dito, na-excite tuloy ako tikman yung kabab at shawarma :p

Kasunod na sinubukan namin ay ang Beef Kabab nila. For 75 pesos, wala pang pita bread tapos medyo maliit, parang hindi ako nasulitan. Masarap naman siya, pero parang mas sulit Mister Kabab. But still worth a try, though.

After nung Kabab, medyo hindi na ganun kataas expectations namin sa Shawarma kasi kahit masarap yung kabab, hindi kami napa-wow. So ayun, pagkagat ko nung Shawarma... BAM! Best. Shawarma. Evaaar! 

Nung una, si Blanca, akala nagjo-joke ako na OA daw ako, etc. Pagkagat niya, napatango na lang at napangiti :D Mas masarap nga ito kesa sa mga nabibili sa stalls gaya ng mga Food Channel, Bubba, at ang akala na naming the best na Shawarma Snack Center (dating favorite shawarma namin).

Lesson 1: Don't judge a book by its cover!

Lesson 2: Pag mas luma (o mukhang luma) ang restaurant at buhay pa din, malamang sa malamang may specialty ito. Subok lang ng subok.

Sa mga mahilig mag late night food trip, isa ito sa pwede ninyong puntahan. Yun nga lang, hindi na sila 24 hours, hanggang 2am na lang daw. Pero at least late pa din ;)

**nakailang balik na kami dito mula nung malaman namin :p

Sa uulitin,

Chewy

Lucky Way

1529 A. Mabini St. Ermita, Manila

Contact No. +632 408 24 38

"Social Climber"

May kumakalat na picture ngayon sa facebook na pinagtatag pa ang mga tao at marami ang nag-share. Heto ang picture na hindi ko alam kung kanino nag originate pero matatagpuan dito.

Aaminin ko, natawa ako nung una kong mabasa ito dahil talagang may mga ganito ngang tao. Pero bigla kong naisip, yung ibang mga kakilala kong ganito, yung iba ay talagang mayaman, at yung iba ay (walang malisya) dati sigurong hindi nakakaranas ng mararangyang bagay at ngayon ay pinapalad na sa buhay.

Ngayon ang unfair dito, kahit parehas gawin ng mga dati pang mayaman at ng mga ngayon lang umangat sa buhay ang mga nabanggit sa litrato, yung nauna normal lang, yung ikalawa, Social Climber?

Wala akong nais iparating pero nakakalungkot lang. Tablado kasi yung mga ngayon lang pinapalad sa buhay. Kasi siguro kaya ganun gawain nila, dati-rati, minamata sila, tinitingnan "pababa". Ngayon at nakapagsikap sila, nakakabili na sila ng mga bagay na karaniwang binibili ng mga nakakaangat sa kanila, pinagtatawanan naman sila ngayon. Oo nga siguro at medyo OA na bawat bili ng gadget, kain sa mamahaling resto, punta sa sosyal na lugar ay ipo-post mo sa facebook pero hindi ba at yun naman ang point ng SOCIAL networking? Ang ipaalam sa mga kaibigan mo na hindi mo laging nakakausap na heto na ako ngayon, maayos naman ang buhay, hindi mo na ako kailangan kumustahin :). A way to stay connected, diba?

Oh well, sana yung mga nagshe-share ng pic na ito ay natatawa lang sa fact na may mga taong excessive mag-share (na pwede namang i-unfollow) at hindi sila naiinis dahil naabutan na sila ng dating "mababa" kesa sa kanila.

Ika nga ng mga maginoong DJs ng BNO, Don't hate, appreciate.

Peace,

Chewy

Travel: Asia: Siem Reap, Cambodia - Days 3 & 4

Matapos ang nakakapagod na Day 2, sinabihan kami ng aming tour guide na less tiring and day 3 at karamihan ay nasa sasakyan kami sa layo ng byahe :)

So after breakfast, (na same stuff sa unang araw) nagtungo kami sa grocery para bumili ng mga "pambaon" sa road trip. Mabuti na lang at bumili nga kami kasi talagang oras pala ang mauubos sa byahe papuntang Beng Mealea.

Sa daan, nakakita kami ng kasalan. Bihira sa atin, ang kasalan na violet ang kulay dahil mas naa-associate ito sa funeral, pero sa kanila, heto ang kulay na karaniwang ginagamit sa kasal. Ayon din sa aming guide, bihira ang nagpapakasal ng June to October dahil bukod sa tradition, rainy season daw ito kaya mas konting bisita ang makakapunta kung sakaling umulan. May tama sila ;)

Interesting bit:  marami kayong makikitang mga traditional na bahay on the way sa Beng Mealea. Parang mga kubo sa atin sa Pilipinas na naka stilts din at may tapayan sa tabi. Ang medyo kakaiba lang, yung mga tapayan nila, nakabukas at walang takip. Naghihintay daw ito ng buhos ng ulan at dun iniipon ang tubig ulan para inumin... ng HINDI PINAPAKULUAN! Hardcore! Naniniwala kasi silang malinis yung tubig ulan at mainam para sa katawan.

After a couple of hours sa byahe, dumating na kami sa bilihan ng ticket.

May lugar dito kung saan may malinis na palikuran.

TIP: kung nakakaramdam kayo ng kahit konti na maiihi o majejerbaks, heto na ang lugar na dapat niyong pakawalan ang nararamdaman!

Malinis naman siya at may tissue kahit walang power spray, so Jebber friendly na din kahit papaano (3/5). Pagdating niyo kasi sa loob, talo-talo na. Walang banyo ;)

5 USD per head ang ticket at sulit naman siya sa aking palagay kasi walang ganito sa Pinas :D haler, natural nasa Cambodia ka nga eh! Ang ibig kong sabihin, yung mga magagandang lugar sa atin, mga beaches, falls, atbp, wala tayong temple ruins na ganito katanda :)

So ano nga ba ang espesyal sa Beng Mealea at bakit nagtiyaga pa kami bumyahe ng malayo para dito?

Dahil sa tanawing ganito :) Lotus Pond!

Ayon sa aming guide, ang ibig sabihin ng "Beng" ay pond, at "Mealea" ay Lotus flower. At ang tawag din nila sa Mahogany tree ay Beng Mealea ;)

Parang ang sarap tumalon at humiga hahaha!

Ang isa pang dinayo namin dito ay dito ka daw makaka experience mag climb sa mga rubble na parang Indiana Jones/Tomb Raider ang dating. Bumagsak daw kasi ang temple na ito dahil hindi maganda ang pundasyon ng pagkakagawa at hindi kinaya ang lindol at panahon.

Siyempre si Blanca, nagpose na agad ng Lara "Soft"

Siyempre, dahil minsan lang tayo mabuhay, sinubukan ko nang umakyat kung saan-saan hehe

Parang malalaking blocks ng Green Tea Royce Nama Chocolates... yummm!

Pati sila, hindi na nakatiis na hindi umakyat sa mga rubble :D

Sa aming paglalakbay sa loob, may kasama kaming guardian angel :) Sunod lang siya ng sunod kung saan kami.

Marami kayong makikitang giba-gibang structures sa loob pero safe naman siya at kayang-kayang libutin kahit ng mga matatanda :)

Si guardian angel, may mga kasama pa pala. Pag nakita niyo sila, bigyan niyo sana sila kahit biskwit :) Good kids.

After the tour. Naisipan kong mag-reflect sa buhay at magmeditate... joke lang :p

dahil ako ang pinaka-malikot at akyat ng akyat sa grupo, after ng tour, pagpiga ko ng damit, ayan ang napala ko hehe :p

After the Beng Mealea tour, bumyahe uli kami ng almost an hour para sa aming lunch place. Ang PhumSteung Trorcheak Restaurant :)

Phum = village, Steung = river, Troecheak = cold. So cold river village siya at kung makikita niyo, nadun sa tabi yung ilog at sabi nila, tumataas daw itong ilog tuwing tag-ulan.

Pagkadating namin, pili na agad ng kakainin dahil sa gutom at pagod. Heto menu nila (click)

Lemon Juice - matino naman siya at better than FCC :) hindi sobrang pait

As usual, matamis pa din ang buko juice :) Kaya ito lagi order ko.

Buko shake, parang may halong gatas, okay lang

Mango Shake, medyo weird talaga yung mangga nila eh, try niyo lang kung curious kayo haha!

Stir Fried Beef with Hot Basil - may anghang pero hindi maanghang talaga. Kung hindi kayo mahilig sa maalat, pwede ito.

Hetong curry ang medyo lugi, ang daming patatas, 3 piraso lang karne haha! Masarap kung masarap pero lugi!

Loklak Beef - hindi ganun kaanghang pero okay naman :)

Hindi siyempre mawawala ang chicken Amok at masarap pa din naman, kaso number 1 pa din yung sa Srey Koulen nung day 2, at 2nd yung kay Sampho nung Day 1 :D

Stir Fried Pork with Sweet and Sour Pork - okay lang siya pero ams amraming masasarap na sweet and sour pork sa mga Chinese restos dito satin :)

Khmer Baked Cake - hmm medyo hindi ko naintindihan ang lasa kung ano ang nais ma-achieve haha! Pero subukan niyo ng magka-idea kayo kung ano ang dessert nila :D

Malinis ang banyo nila, may tissue at power spray pero parang makalawang ang tubig. Amoy kalawang nung naghugas ako e. Pero jebber-friendly na din kung iisipin (3.5/5)

Matapos ng nakakabusog na tanghalian ay bumyahe uli kami ng malayo papunta sa  Chong Kneas Floating Village. Nakatulog nga ako konti dahil sa pagod at kabusugan at nung magising ako, nakakita kami ng mga duck sa daan...

ang dami! nasa tabi lang ng kalye, kewlll! (alam kong wala nang gumagamit ng KEWL ngayon dahil patay na ang mIRC at ICQ pero walang pakialaman, old skul yo!)

Pagdating namin malapit sa village. Kita na agad ang hirap ng sitwasyon nila. Pero ang malupit, marunong sila mag adapt. Heto ang isa sa mga school nila sa area at may pampalutang ito! Pag bumaha, edi chill lang sila :) Matibay siguro sa sea-sickness ang mga students dito dahil kaya nilang magbasa at magsulat kahit umaalon-alon ;) kewl! (magamit lang ba, last kewl ko na ito, promise)

Mainit sa area kung saan kayo sasakay ng bangka para puntahan yung floating village mismo. May tindahan ng malalamig na inumin at ice cream at kung ako sa inyo, magbaon kayo ng tubig :)

Medyo maputik ang dadaanang tubig, actually, kulay putik na talaga.

Kung meron kayong payong o panangga sa tubig, magdala kayo kasi matatalsikan kayo ng tubig ng mga kasalubong ninyong bangka :)

Kung yung mga bangka natin dito sa Pinas ay basta tabla o tuwid na kahoy lang, yung nandito, akalain mong tipong pwedeng sa lanai ng bahay haha! Like a boss!

Hindi ko alam kung bakit nagdesisyon ang mga kumukuha ng kabuhayan dito na dito na din tumira. Convenience? Kahirapan? Pero mukhang hindi biro ang mamuhay sa ganitong lugar.

Kahit paano, may mga tindahan din naman

may school

may Catholic church! Awesome Sauce!

Karamihan daw ng naninirahan dito ay mga Vietnamese

Tumigil kami sa isang tourist attraction sa lugar na ito kung saan may restaurant

mga batang may dalang ahas na tipong, bigyan mo ako ng 1 dollar o papatuklaw kita, sige!

Souvenir shop

oh, at mga bwaya! haha! Medyo wild lang yung mga buwaya kasi mga nakanganga na tipong ang magkamaling bumaba, chibog!

May roof deck sila kung saan makikita mo ang buong village na nakalutang

Sa totoo lang, nakakalungkot pumunta sa ganitong lugar kasi kitang-kita mo ang kahirapan sa mukha ng mga nanghihingi ng pera/namamalimos. Hetong nanay, hawak ang baby sa kabila, ahas sa kabilang kamay. Ginagawa niya ito para lang siguro na hindi lang basta namamalimos, kundi pwede kang humawak o magpapicture sa ahas. Added value, kumbaga.

May mga bata na namamalimos na nasa batya. Medyo makukulit sila at nakakatakot dahil baka maipit sila sa pagitan ng mga bangka.

Sa byahe namin pauwi, nakakita kami ng mga mangingisda at nakita namin kung paano sila mang huli :)

Pagdating namin sa kabihasnan, pumunta kami sa Pub Street para dun kumain at maglibot ng gabi. Pinuntahan namin ang restaurant na nakita namin sa Trip Advisor na highly recommended - The Blue Pumpkin.

Kung titingnan ang lugar, parang puro desserts lang ang makakain, at mga tinapay

may cool tees din :)

Pero hindi lang naman desserts, may mga food talaga sila pang chibugan, heto ang kanilang menu (click)

Linguini with Ratatouille Jus - hindi ko alam ang lasa ng ratatouille pero masarap naman itong pasta :)

Seafood Spaghetti - okay din, not bad. Pero panalo pa din mga pasta natin dito sa Pinas

Big B Classic - Masarap pero ang daming burgers dito sa pinas gaya ng sa Zark's, na kayang sibakin ito. 

Amok Fish Ravioli - hmmm kakaiba sa mga normal na nakakakaing ravioli dahil may Khmer twist, pero hindi siya yung whoa na sarap. Masarap lang :)

Slowly Cooked Pork Medallion - Heto ang pinaka-panalo sa lahat ng inorder namin, malambot yung karne at bagay yung mashed kamote dun sa sauce :) winner!

Croque Monsieur - pinasosyal lang na ham and cheese sandwich :( 2.75$, parang hindi worth it.

umorder din kami ng french macarons nila na yanung lalaki! At masarap din siya ha! Yung quality niya, mas mababa lang ng konti sa Bar Dolci pero pwedeng-pwede na :D Mas mura papatak kesa sa mga nandito sa atin.

After dinner, naglibot-libot na kami sa Pub Street

may mga Fish Spa sa tabi ng daan

at maraming turista ang naglilibot

may nadaanan kaming "Cambodian Grill" na mukhang masarap :)

Buhay na buhay ang Pub Street sa gabi at nandito ang night life. May inuman, kainan, at night market. Dito rin kami namili ng mga pampasalubong namin.

Sa lahat ng bakasyon ko, ngayon lang ako nagkamali ng tantsa sa damit dahil kinulang ako. Lagi kasing nakakapawis ang mga tour namin eh, kaya kung ako sa inyo, mga 3 tshirts a day ang ihanda ninyo. (Yung ration nun sa brief/panty, kayo na bahala haha). Medyo mahal ang laundry nila dito, 1$ per kilo, halos doble ng sa atin, pero mabilis naman at mabango. Dinala ko ng 5pm, 10am pwede nang kunin ;)

Kinabukasan, pumunta kami sa old market para mamili ng mga pasalubong pa at mga spices.

TIP: basta kung mamimili kayo, laging tandaan na ang tawad ay laging 60% off muna, tapos hanggang mag-settle kayo sa 50% off. Kung magbabayad kayo ng more than that, tingnan niyo muna kung meron ba sa iba o wala ;)

Another TIP: matututunan ninyo na makapangyarihan ang "finishing move" na lakad palayo na tipong hindi interesado. e.g.:
Tindera: Sir, you buy this, I give to you only one dollah...
Ikaw: no, 2 for one dollar.
Tindera: noooooo, I give you bhest plice, you buy 1 dollah
Ikaw: no thanks. (Sabay lakad palayo)
Tindera: (kakapitan ka at hihilahin) okay, okay. I give you special plice, 2 for one dollah

So siyempre tuwang-tuwa ka nakatawad ka na. Akala mo nakaisa ka na, pagdating mo sa iba, pag nakita nilang may dala ka na, ibibigay sayo ng 3 for 1 dollar yung nabili mo haha! Pero alam niyo, okay lang minsan na magparaya/magpatalo. Kasi alalahanin ninyo na pangkain ng mga ito ang kikitain nila sa inyo. Hindi naman sila yung malalaking retail stores kaya wag nang sumama ang loob ninyo kung makakita kayo ng mas mura :D okie?

May mga kainan din dito sa old market na parang nakakatakam, yun nga lang yung iba eh hindi gaano marunong mag-Ingles at hindi maipaliwanag kung ano binebenta nila, sayang.

For lunch, dapat kakain kami sa Khmer Family restaurant kaso hindi alam nung Tuktuk driver kung saan talaga, nag-imbento na lang na itong Orchidee Angkor daw ang Khmer Family restaurant, nagpalit lang daw ng pangalan. Tinanong namin yung waiter kung totoo, nag-agree naman... naisahan kami haha!

Ka-block lang ng hotel namin ito pero okay na rin, at least maiiwan namin mga gamit namin. Heto ang menu nila (click)

Iced Coffee - normal lang na Nescafe Ice ang lasa

Buko Juice - BJ para kay BJ ;)

Mango Shake -heto medyo malapit-lapit sa Pinoy Mango Shake ang lasa :)

Lemon Juice - okay din, refreshing siya at hindi mapait.

Amok Chicken - siyempre dahil last day na, ito pa din oorderin ko kasi mamimiss ko ito :s Yung version nila, medyo matamis talaga kasi matamis yung coconut meat. Masarap din siya and I'll recommend it sa mga mag-stay sa Angkor Pearl Hotel :)

Beef Chili Paste Khmer Spice, Roasted Peanut - pweeeede! Hindi ganun kaanghang pero pwedeng-pwede :)

Fried Pork Khmer Spicy Coconut Milk - hindi maanghang pero okay naman lasa :)

Fried Shrimp - wag na, mas okay pa mga Camaron natin dito ;)

After lunch, balik uli sa pamimili ng mga pasalubong sa Central Market. Tiangge na mas malapit sa hotel namin

May mga nagbebenta dito ng precious stones. Hindi ako maalam tumingin, pero isa sa mga tindahan dito, look for this guy, na sa sobrang confident niya sa kanyang tinitinda na tunay ito, yung kinakaskas niya yung mga bato sa salamin ng display, yung sa sa salamin nagkakalamat, yung bato, wala man lang gasgas. At ang malupit dun, sabi niya, yung mga peke daw natutunaw sa init, so binugahan niya ng torch ngayon yung bato... aba... hindi nga natunaw! Sold! Hindi ko alam kung tunay nga ba ang nabili ko pero sana naman, oo. :D

Habang nagsho-shopping pa ang mga babae, napagpasyahan kong maglibot sa lugar, nakakita ako ng bossing/owner ng isang carinderia at swabe lang ang pagpapahinga niya sa init ng panahon. Electric fan na may binubugang lamig na tipong parang galing sa dry ice haha! Kewl!!! (last na talaga to)

Nakakita din kami ni Blanca ng Thai Milk Tea in a bottle, ang sarap nito! Parang sa Soms! Winner!

Siyanga pala, alam niyo ba na sa kasalukuyan, walang ibang Int'l fast food chain dito kundi ang KFC? Walang McDo, Jollibee, atbp! Heto ung menu nila o, ibang-iba kesa sa mga offerings dito satin.

Dahil busog pa kami at gusto lang namin masubukan, nag-order kami ng coleslaw, kumpara sa atin, talo ito kasi puro "butod" o yung matitigas na parte.

Cheesy Wedges - heto masarap! Sana meron dito haha!

Chicken Nuggets - compared sa nuggets ng mcdo dito satin, mas gusto ko ito kasi talagang buong laman ng manok pag kinakain mo, hindi ba gaya dito na parang hindi galing sa manok. Pwede!

After KFC, bumalik na uli kami sa hotel para mag ayos at mag-check out. Nagbayad kami ng 1 day extension para may lagayan ang gamit namin at liguan bago tumungo sa airport. Para sa 2 rooms, heto lang binayaran namin!

Kaya pala for 2 consecutive years...

Sila ang best budget hotel ng Trip Advisor :D

Mababait din ang staff kaya highly recommended!

Finally, pauwi na din kami at 8pm pa lang nasa airport na kami para hindi maiwanan :)

Compared sa arrival, talo ang banyo dito sa departure, at mas talo pa yung sa may mga gate!

Medyo mahina ang tubig at hindi automatic flush kaya pag minalas ka, baka may maabutan kang ihi o bomba. Pero siyempre, kahit anong reklamo ko, jumebs pa rin ako one last time haha! Souvenir ng Cambodia sakin ;) Jebber-friendly (3/5)

IMPORTANT TIP: Heto ang dapat niyong iwasan na counter. Kung nasan itong si Miss beautiful na ito. Diba dito sa atin, pag halimbawa, limang tao ang nagbayad ng baggage, 15kg each, may 75kg kayo na pwede i-check in sabay sabay at total na lang ng buong grupo ang titingnan kung excess o hindi.

Dito sa counter lang na ito na may isa't kalahating kakulitan, yung iba okay naman, minalas kami na ang pagkakaintindi niya ay sa per person na 15kg, exclusive lang sa tao na yun. Hindi pwedeng ishare yung hindi naconsume na weight para magamit ng ibang kasama. Anak ng! Ang allowance namin ay 75kg, lahat ng baggage namin ay may total na 71kg, akalain mong dahil sa kakulitan ni miss beautiful, nai-hand carry namin yung bag ni Blanca at nakapagbayad ako ng excess na 5kg, eh pusa na yan, 10$ per kilo, hanep, tumatagingting na 50$ binayaran ko!!! Bless you, Ms. Beautiful! Ang cute-cute mo!

Dahil ayaw ko nang isipin pa ang nawala sa aking pera, pumasok na kami sa loob at nagpahinga. Kumain na din kami sa Taste of Asia na ka-tie up ng Blue Pumpkin dito sa airport nila. Heto ang Menu nila

Singapore Fried Noodles - hmmm masarap sana siya kaso dahil mahal, ang daming mas okay pa dito sa atin ;)

watermelon juice - pampakalma :)

Nasi Goreng - pwede, masarap naman :) lalo na at airport food, pwede na.

Fried Chicken - hetong talong-talong-talo! Parang prito sa luma na parang frozen tapos prinito na basta talo! :(

Chicken Hot Basil - hindi siya ganun kaanghang pero not bad ha :) kakainin ko uli ito kung may pagkakataon

Fried Dumplings - mas okay pa yung Shark's Fin ng PotDog wahahaha!

Siyempre, one for the road, gelato from Blue Pumpkin :)

Perfect na sana yung bakasyon kung hindi lang kami naisahan ni Miss Beautiful sa airport eh. Pero thankful na din ako dahil masaya at safe ang trip namin. Sana marami pa kaming mapuntahang bansa ni Blanca at pamilya namin :)

For fun lang, heto mga natutunan ko sa Cambodia :)

Phnom - mountain

Banteay sreay - banteay = citadel; sreay = women

April 15,16,17 - new year nila

September - ancestor's day

No Christmas pero madami pang holiday, 26 ata total including Labor day, Women day, at yung naabutan namin May 9 - royal plowing day na yung king ang first one to plow and plant. They have Holy Cows na nagprepredict kung ano ang magiging boom na harvest ng season... galing noh?! Pero totoo daw, eto halimbawa nung sitwasyon:
Maglalagay ng Bigas, Corn, At Tubig sa harap nung dalawang baka. Kapag daw maraming kinain na bigas, bigas ang mas maganda ang ani sa taong ito. Pag maraming nainom na tubig, okay daw kasi maraming ulan at tubig. Pag hindi, drought daw ang mararanasan. Ewan ko kung kwentong barbero lang ng guide namin ito pero interesting haha!


Krolan - tupig na sticky rice at soy bean na kinain namin.

No building can be taller than the Angkor Wat temple (which is 65 meters high). Disrespectful daw pag may ginawang mas mataas.


Akrok = ugly

Sa-at. = beautiful

Pongtea Kon = balut sa atin, yung may sisiw at sabaw :p
Pongtea means duck egg Kon means very small

Kulen mountain - kung nasan yung river of a thousand linga, kulen means lychee

Changang - sarap!
Ngon - sarap!

Mouy pi bei , nyunyum! = 1,2,3, smile!

Ot ei te - welcome (sa salamat)

Sva kum - welcome (sa pagsalubong)

That's all, folks! Sana sa susunod, ibang bansa at kultura naman ang mai-share ko :)

Sa uulitin,

Chewy

Kung kailangan niyo ng magaling at mabait (at mura) na tour guide sa Cambodia, puwede niyong kausapin si Sampho Lim through his facebook para mai-arrange niya ang hassle-free tour ninyo :)